رئيس مجلس الإدارة
طارق لطفى
رئيس التحرير
أحمد سليمان
حق "مصطفي سراج" .. يتصدر الهاشتاج
تفاعل واسع على مواقع التواصل الاجتماعي مع ضحية جاره.. ومطالب جماعية بالقصاص العادل بعد ضبط المتهم.
دشن نشطاء مواقع التواصل الاجتماعي، هاشتاج مصطفي سراج دمياط للمطالبة بالقصاص بعد ان لقي مصرعه حرقا على يد جاره على خلفية نشوب مشاجرة بينهما، والذي تصدر موقع فيس بوك الليلة الماضية.
تقول ندي الشحات في منشور على صفحتها عبر فيس بوك: ان البعض طعن في الشاب المتوفي مصطفي محمود سراج بعد موته، وتداولوا قصص ومؤلفات خاطئة عن سبب موت مصطفي، يكفي طعنًا في الميت حتي بعد أن أصبحتْ روحه عند خالقها وادعوا له بالرحمة والمغفرة.
وتابعت: القصة إن اللي أذي مصطفي ووجع قلوبنا وأذاقنا مرارة فراقه، هو شاب عنده 19 أو 18 سنة لسه، وأصل الحكايه إنه يبقي جار شقة السكن بتاع الشغل اللي الفقيد مصطفي كان قاعد فيها، وبيعلموا دوشة وكلام من دا، الفقيد نزل بكل أدب لإن دي أخلاقه والكل يشهد بكدا، واستأذن أخت جاره، وقال لها بعد إذنك عرَّفي أخوكِ إننا بنبقي تعبانين ومش قادرين، وبلاش يعمل صوت ويخبّط علينا.
وقالت في منشورها: فالولد ماعجبوش الكلام، استني لما مصطفي يبقي لوحده في الشقة أو مش معاه غير واحد صاحبه، وطلع خبّط عليه وحصل شد في الكلام، وبعد كدا راح رامي عليه بنزين كان مخبّيه ورا ضهره بكل قلة إنسانية وضمير فجأة، وولّع فيه، ولما الموضوع كبر ومصطفي اتنقل المستشفي والجيران لحقوه بعد ما النار أكلت جسمه وبقي عنده نسبة حروق 95% من جسمه وبقي بين الحياة والموت وفضلنا يومين كاملين بنعاني تعبه حتي فارق الحياة.
وفي ذات السياق أكد ابن خالة مصطفي وابن عمه، الشاب محمد صبري، عبر تصريحات صحفية انه كان ملازمه طول وقت وجوده في المستشفي، تلك الاحدث قبل ما ان يدخل في غيبوبة ويتوفي.
وعلى الجانب الآخر نجحت قوات قسم شرطة دمياط الجديدة، في القبض على المتهم بتلك الحادثة التي اثارت جدلاً واسعاً النطاق، وبعرضه على النيابة العامة امرت بحبسة 4 ايام على ذمة التحقيقات.
اترك تعليق