أحمد حلاوة : ربنا رزقني بزوجة صالحة وعائلة حلاوة مشهورة في مجال المنسوجات

قال الفنان الدكتور أحمد حلاوة ربنا رزقنى بسيدة محترمة " زوجة " من بيت محترم جداً ، و بينا علاقة اسرية من زمان وأبويا قالى لو ربنا كرمك تتجوز البنت دى وكنت بجهز نفسي للسفر الى فرنسا ، ووالدها كان مهندس اتصالات ، وخالها محامى و عضو مجلس شعب وتقدمت لها و قبلونى وربنا كرمنا ببنتين ، وبيتعلموا في فرنسا ، واحدة منهم استمرت في الفرنسي و الثانية كان عندها مشكلة في ال ٢٨ حرف وفضلت اعلمها لحد ما صلحتهم .

وأضاف خلال حلوله ضيفه ببرنامج واحد من الناس مع الاعلامي د. عمرو الليثي على شاشة الحياة في حلقة مسجلة ،عندى احفادى فريدة و رينادة ما شاء الله عليهم جمال ، وحفيدى الولد الوحيد وسطهم يوسف .

وتابع حلاوة أنا عندى التجارة الخاصة بي و أصلا عائلة حلاوة كلها عائلة تجارية فى مجال المنسوجات و معروفين فى الموسكى وأصولها من الشام و كنت بعمل مسرحية في سوريا و العائلة عزمت المسرحية كلها ، و احنا ٩ اخوات ورثنا مجمع مصانع من جدى.