أول تعليق من كريم الحسينى بعد ضجه مشروعه الجديد

اثار الفنان كريم الحسيني الجدل حوله، اعلانه افتتاحه لمشروع جديد، وهو بيع المشروبات الساخنة بواسطة سيارة متنقلة في الشوارع.

وعلق الحسيني في مقطع فيديو انتشر له خلال الساعات الماضيةعبر السوشيال ميديا قائلا فيه : أشكر الفنانين والناس على مشاعركم النبيلة، وعلى تقديم المساعدة لي، ولكن أحمد لله لأن الله ستر وضعي المادي، ولكني لجأت لذلك المشروع كي لا أضطر للمشاركة في أعمال أنا لا أرضى عنها، مثل أفلام دون المستوى، وفي نهاية المطاف تُحسب بمشواري الفني.

وأضاف الحسيني: وبالفعل لم أحصل على عمل درامي أشارك به في رمضان 2022، ولكني قررت أن أفتتح مشروع جديد بخلاف الفن، مثل أي فنان يفتتح مشروعا جديدا مثل المقاهي أو المطاعم، ولعل مشروع بيع المشروبات الساخنة في الشارع مخاطرة أقل، لذا فكرت في افتتاحه، لأنه يمكن أن يخاطر الإنسان بافتتاح مقهى جديد وينتهي به المطاف بفشل المشروع.

وتابع الحسيني: بشكر كل الناس اللي فكرت في حاجة خير زي دي، والناس اللي دعمتني وكانوا فخورين بيا، وناس كتير قالت كان نفسها تفتح المشروع بس مكسوفين، وأنا مش مكسوف الحمد لله الشغل مش عيب، واعمل اللي أنت عايزة وخليك متمسك بحلمك، واللي يخليك متمسك بحلمك، وحاليًا أنا على ذمة مسرحية زقاق المدق، ومبسوط بيها جدًا وهنكمل في العيد تاني إن شاء الله.

واختتم الحسيني حديثه، قائلًا: عندي عرض أمر تكليف مشروع من 2018، وهنلف بيه قنا والمنيا ومحافظات تاني، ومبسوط جدًا إن العرض ده راجع، وكل الناس اللي حوالينا عارفين أن موظفين مسرح الدولة بيشتغلوا حبًا في المسرح، وبنصرف فلوس كتير أقل من اللي إحنا بناخده؛ لأننا هنعمل حاجة هتأثر في الناس بعد ما نمشي، وبشكركم على مشاعركم النبيلة.