"جالوا السرطان وصور مسلسل وهو مركب قسطرة" .. ابرز تصريحات ابنة الفنان صلاح رشوان

كشفت باكينام ابنة الفنان الراحل صلاح رشوان، خلال مداخلة هاتفية مع برنامج 8 الصبح، كواليس ترشيح والدها لتقديم شخصية الرئيس الأسبق محمد حسني مبارك، في عمل درامي وتحدثت عن العديد من الأسرار.

ومن ابرز تصريحات ابنة الفنان صلاح رشوان مع برنامج 8 الصبح

-ذكرى وفاته بتكون صعبة جدًا عليا، أنا طوال الوقت محتاجه له.

- كان دايما يقولي أنا راضي جدًا بالمكانة اللي وصلتلها، لأني دخلت قلوب الناس كلها.

-صلاح رشوان مكنش يعنيه دور البطولة المطلقة، مكنش بتهمة الفلوس قد ما هو حابب يقدم حاجة، الناس تفضل فاكراه بيها.

-صلاح رشوان قدم خلال مشواره الفني رسالة عايشة في قلوب الناس لحد دلوقتي.

-كان هيجسد قصة حياة مبارك في مسلسل؛ لكن المشروع توقف في البداية لأسباب رقابية وبعدين مرض والدي.

-لما جالوا السرطان بدأ رحلة علاجه واللي استمرت 5 سنوات.

- دخل المستشفى ومكث لمدة 40 يوما أثناء تصوير مسلسل الخواجة عبد القادر.

-صور المسلسل كله وهو مركب قسطرة، وكان بيقول بنسى تعبي قدام الكاميرا.