مصطفى درويش يعلق على حسم الازهر عن معجزة معراج النبى
علق الفنان مصطفى درويش، على حسم الأزهر الشريف عن معجزة معراج النبي وتأكيد حدوثها على النحو الوارد بالقرآن الكريم، مؤكدًا أنه المرجعية الوحيدة له وللمسلمين.
وكتب درويش عبر حسابه الشخصي على الفيس بوك قائلا : الأزهر قال كلمته ونصر الحق، ممكن مسمعش صوت معارض لو سمحتم، لأن إحنا مرجعيتنا للأزهر وأنا ولا شيخ ولا حاجه أنا لسه باديء انتظم في الصلاة من قريب، وكان بعد مشكلة حصلتلي ف قربت من ربنا واعتذاري عن الفيلم، جالي في أصعب ظروف.
وأضاف درويش: محدش عارف عنها حاجه محتاج ماديات فعلا، ومحتاج شغل لأني لسه في أول الطريق ف أكيد اعتذاري عنه كان على عيني بس ديني أهم، وأنا لا غلط في الأستاذ إبراهيم ولا غلط في حد، أنا بس أخدت قرار أدافع عن الصلاة اللي بصليها، والإسلام اللي هو ديني ودين أمتي.
وتابع درويش: لو كان الأستاذ غلط في أي ديانة مسيحية أو غيرها كان هيبقى نفس موقفي، أنا مسلم مؤمن بكل الرسول والديانات السماوية ومقبلش حد يشكك في الكتب السماوية وأسكت، ونقفل الموضوع ده علشان أخد أكبر من حجمه.
