بسمة وهبة لـ شيرين: "متسمعيش كلام حد وارجعي لـ حسام حبيب لو عايزه"

أكدت الإعلامية بسمة وهبة، أن الفنان حسام حبيب يحب زوجته السابقة الفنانة شيرين عبدالوهاب، معقبة: "ده كلام من مصدر موثوق وهو إنسان محترم جدا سيبوهم في حالهم".

ووجهت وهبة خلال تقديم حلقة اليوم من برنامج "90 دقيقة" على قناة المحور، رسالة إلى الفنانة شيرين عبدالوهاب، مطالبة إياها بأن ترجع إلى زوجها السابق إذا كان هذا الأمر سيحقق سعادتها: "اشتري سعادتك يا شيرين وسيبك من الكوميكس والمرضى".

وأضافت: "متسمعيش كلام حد وشوفي قلبك بيقولي ايه واعملي اللي مشاعرك وحبك عاوزه ومتسمعيش كلام حد، ولو عاوزة ترجعي لحسام ارجعي له ولا يهمك حد ومحدش له عندك حاجة".

وواصلت: "اعملي اللي يسعدك ويقدر يخليكي تغني وانتي سعيدة، انتي ليكي عطاؤء وفن ومشاعر ومن حقك تعيشي المشاعر ومحدش له حاجة عندك".