تامر حسني: "أول مرة أحصل على جائزة عن فيلم من تأليفي"
نشر الفنان تامر حسني، رسالة شكر لجمهوره ولزوجته بسمة بوسيل، كما وجه رسالة للشباب يحثهم فيها على مواصلة الطموح وتحقيق الأحلام.
ونشر تامر حسني، عبر حسابه الشخصي بموقع تبادل الصور والفيديوهات "انستجرام"، صوراً لعدة جوائز حصل عليها في 2021، وعلق عليها قائلاً: "تصويت و جوائز الجمهور وردود افعالهم في الشارع هي اهم انواع الجوائز بشكر جماهير كل الجهات المحترمه زي اي تي بالعربي و عرب وود و وشوشه لحصولي على افضل ممثل لهذا العام ٢٠٢١ عن دوري في فيلم (مش انا )و حصولي ايضاً على افضل فيلم ( مش انا ) جميعنا كنا في اتتظار تقديركم الشخصي لمجهود كل شخص فينا تعب في الفيلم دا و فرحتي بتتضاعف لأني اول مره آخد جايزة احسن فيلم في حياتي يكون فيلم قصه و سيناريو و حوار تامرحسني ".
وأضاف تامر حسني : ومن اهم الرسايل اللي كان نفسي اوصلها لجمهورنا الكريم ان المريض الحقيقي هو اللي معندوش طموح و ان الإنسان يقدر يوصل لحلمه رغم اي ظروف و ينفع يصنع حلم جديد يكون هو اول حد فكر فيه واثق ان الجمله دي في كتير محتاجين لها و حالاً حاسين ان الكلام ليهم ايوا ليكم.. شكراً جمهورنا المحترم شكراً زوجتي حبيبتي بسمه على دعمك طول السنه شكراً لكل فرد في اسرتي و جميع افراد الشركه اخواتي حبايب قلبي شكراً اخي حسام حسني اول انتاج ليك انتاج يشرف و محترم و بيقول رساله و حقق اعلى ايراد فيلم مصري في تاريخ السينما العربيه و دا كان تحدي بينا يا حس انه يبقى فيلم راقي و محترم و يحقق اعلى ايراد و انت كنت خايف مبروك يا حبييي ليك و لكل شركاء الإنتاج أ/ احمد الدسوقي و أ/ احمد بدوي، و أ/ عمرو عاكف و افراد شركته المميزين و طبعاً مخرجتنا الجميله الرائعه أ/ ساره وفيق عقبال القادم يارب.
