يحيى الفخرانى يكشف عن اصعب مشهد تسبب فى بكائه
كشف الفنان يحيي الفخراني عن اصعب مشهد له من مسلسل الشهير ليالى الحلمية قائلا : في الجزء الثالث من ليالي الحلمية حد اقترح يغيير التتر وأنا اعترضت، وأكتر مشهد بحبه مع أنه مش سهل في نفس الوقت، هو مشهد وفاة أمي هدى سلطان؛ لأن ساعتها أمي الحقيقية ماتت والمشهد تحول إلى حقيقة، ومعرفتش أوقف عياط لحد ما مشيت.
واضاف الفخراني خلال لقائه مع صاحبة السعادة مع الفنانة اسعاد يونس: أنا أمي كانت ست حنينة جدا، وكان اسمها الست توحيدة، ولميس زوجتي كانت بتحبها جدا وهي بعد ما خلفت بقت زي أمي، وكان نفسها تجيب بنات ومكنتش عايزة تخلف بعد شادي، ولما اتجوزوا بقت تعتبر زوجاتهم بناتها.
