هل يسعى رئيس قسم الغناء بالموسيقى العربية للشهرة على حساب "حمو بيكا "
بعد نشر صور تدريبه مع مؤدى المهرجانات
هاجم جمهور السويشيال ميديا ،الدكتور الموسيقار الدكتور محمد عبد الستار، رئيس قسم الغناء بالمعهد العالي للموسيقى العربية ،الذى يتولى تدريب مؤدي المهرجانات حمو بيكا " الذى يتولى تدريبه لخوض اختبارات نقابة المهن الموسيقية، والذى نال العديد من الانتقادات ، بعد نشر صور له أثناء تدريب بيكا ،.
البعض أشار بأن رئيس قسم الغناء يسعى إلى تصدر الترند بعد نشر الصور ، ومحاولة التواجد بين رواد السويشيال ميديا ، وكان من الممكن أن يقوم بذلك دون نشر أى تفاصيل عن التعاون مع مؤدى المهرجانات .
يذكر أن الدكتور محمد عبد الستار ،نشر ردا على الهجوم علية او الانتقاد بسب تدريبه لبيكا ، : «ردا على أصدقائي الصحفيين والإعلاميين المحترمين عشان ننهي الموضوع ده تماما، حمو بيكا شخص بيأدي نوعا من المزيكا أنا لا أؤمن به، ولا بسمعه ولكنه موجود ومنتشر ومش محتاج أي إنكار مني أو من غيري».
وأضاف: «رقم اتنين بكل بساطة النقابة عملت دورها قدام الإعلام، وأنهم يظهروا الحقيقة أنهم مش بيحاربوا حد من غير مبرر، وحبوا يساعدوهم أو يمدوا أيديهم بمعنى أصح لأشهرهم، ونظرا للثقة الكبيرة الحمد لله من أعضاء النقابة فيا وفي تاريخي في تدريب الأصوات لأسماء كبيرة جدا دربتها طول حياتي، ومش هذكر حد منهم احتراما لخصوصيتهم، تم ترشيحي انى أدربه عشان يقدر يؤدي في الامتحان، واللي حصل بكل بساطة أننا اتقابلنا مرتين ومن خلالهم قدرت أحدد هل هو يملك الموهبة اللي تخليه يؤدي في الامتحان ولا لأ».
واضاف «عبد الستار»: «بعد المرتين اللي ممكن يكونوا بقالهم سنة تقريبا والي اتاخدت فيهم الصور من غير علمي بالمناسبة، ما حصلش أي مقابلة تاني نظرا لعدم اهتمامه من الأصل أنه يطور من نفسه أكتر أو يحاول يكون أحسن هو بس بيحاول يكسب تعاطف، ويعمل استعراض أنه بيحاول وده مش حقيقى أبدا، وده كل الوضع بالتفصيل الدقيق».
واختتم: «بردو الواحد كان نفسه يشوف الاهتمام الكبير والعظيم ده وهو بيحاول يعمل حفلات بمجهودات شخصية عشان يفضل يقدم الأصوات اللي تستاهل، لو كل واحد شفته انتقد وعلق على الموضوع ده بالتحديد كان قدم دعما لأي حد بيغني بجد، وكنا عملنا ألف نجم في السنة.. تحياتي للجميع».
