اصالة تتحدث على الهواء عن تجربتها مع العلاج النفسي عن طريق الأدوية

كشفت الفنانة أصالة، عن تجربتها في العلاج النفسي عن طريق الأدوية، مشيرة إلى أنه كان أسوأ قرار، وقررت التوقف عن أخذ أي أدوية.

وقالت أصالة خلال لقائها مع الإعلامية منى الشاذلي خلال لقائها في برنامج معكم : أثناء علاجي النفسي من الصدمة العصبية التي تعرضت لها، أخدت أدوية ودا كان أسوأ شيء عملته في حياتي، وأخدتها لمدة تتراوح بين 7 و8 شهور.

وواضافت أصالة: في مرة تقّلت في الجرعة وأخدت حباية أكتر، ومن بعدها عشت في عذاب ومعاناة، وفضلت يومين وأكتر مش عارفة أمشي وقولت لرِجلي قومي ومكانتش قادرة تقوم، وعانيت جدا، وحسيت كأن حد رماني من سابع سما على الأرض وماكنتش قادرة آكل ولا أمشي.

أصالة: آخر يوم أخدت فيه حباية كان يوم 5 من شهر يناير، ودا يوم ميلادي، وقلت هحتفل بعيد ميلادي دون أدوية في جسمي، وأنا كنت محتاجة الأدوية ساعتها، ورميتهم مع أن دا غلط طبعا لأنه دون استشارة طبيب ومقولتش لحد من الأطباء اللي بتعامل معاهم، بس تعبت فترة وبعدها بدأت أرجع تاني لصحتي وحياتي وقررت أتحرر من كل حاجة وأكون حرة، وأعمل اللي عايزاه.