سمية الخشاب:" انا اقدم من رانيا يوسف وهى لسه فى مرحلة الإنتشار"
قالت الفنانة سمية الخشاب، سبب قلة أعمالها الفنية مؤخرا على عكس الفنانة رانيا يوسف، مشيرة إلى أنها لا تحتاج إلى الشهرة حاليا وتختار الأعمال القوية فقط، بجانب الحديث عن مفهوم النجاح.
واضافت الخشاب خلال لقائها مع الإعلامية أسما إبراهيم في برنامج حبر سري : النجاح مراحل، وفيه مرحلة بعد ما تتشهري مش بتبقي محتاجه تشتغلي غير عمل واحد قوي كل فين وفين عشان متحرقيش نفسك، ومش بتدوري ع عدد الأعمال بل على قوتها.
وواصلت: وفيه مرحلة تانية بتبقي محتاجة تعملي أعمال كتير عشان تتشهري وأنا بتابع زمايلي، وبحب رانيا يوسف جدا، ورانيا لسه في مرحلة الانتشار والشهرة، ولسه بتكبر وحلو أنها بتنتشر دلوقتي وبتطلع السلم.
وأضافت سمية: ورانيا هتوصل لمرحلة أنها مش هتبقى محتاجة تشتغل كتير، لأنها وصلت خلاص، ورانيا كانت بعدي وأصغر مننا أنا وغادة عبد الرازق في مسلسل عائلة الحج متولي، واحنا كنا أقدم بردو وهي كانت لسه في الأول.
واختتمت الخشاب حديثها، قائلة: النجاح نسبي، ومفيش حد بيحقق نجاح زي حد تاني بالظبط، وفيه ناس تتطلع جدا وتقع مرة واحدة، ودي طبيعة الحياة ومش طول الوقت هتكوني ناجحة ومكسرة الدنيا فيه حاجة اسمها سلم النجاح.
