سمية الخشاب عن عمر كمال:" انا ناجحة من قبله وهو عنده اغانى مجبتش مشاهدات"

ردت الفنانة سمية الخشاب على سؤال الإعلامية أسما مصطفى : هل قصدتي تظهري مع عمر كمال في كليب أوعدك عشان تتشهري؟.

لترد الخشاب خلال لقائها ببرنامج "حبر سري" قائلة: أنا ناجحة من قبل عمر كمال طبعا وهو عنده أغاني مجبتش مشاهدات وفيه أغاني مجبتش مليون مشاهدة حتى، وعنده أغاني مش جايبه حاجة ومفيش الكلام اللي بيقوله بتاع أنا الأغاني بتاعتي كلها بتعدي الـ 50 مليون، مفيش الكلام ده وعادي مش عيب برده أن يكون فيه أغاني متجبش مشاهدات.

وواصلت الخشاب: أنا ولا شلت إيدي ولا حاجة من فيديو كليب أوعدك، هو كان عايز يصور الفيديو كليب تاني وأنا معنديش وقت للكلام ده والمونتاج والتصوير تاني، والأغنية ناجحة عشان حلوة مش عشان مين أعلى من مين لا طبعا وأنا وشي حلو عليه.