سمية الخشاب :" الفن ليس عيب بدل فى نطاق عادتنا وتقاليدنا "

ردت الفنانة سمية الخشاب على سؤال الإعلامية أسما مصطفى هل ترين أن الفن ليس عيب أو له حدود وسقف؟.

وعلقت الخشاب فى برنامج "حبر سري": ما دام ده فن وموضوع هادف وهيفيد الناس في نطاق عادتنا وتقاليدنا ليه لأ، ممكن تقدمي موضوع دون أن تجرحي مشاعر المشاهد وهذا يعتمد على مخرج شاطر وورق كويس.

وكشفت الخشاب في الجزء الأول من حلقتها أمس ببرنامج حبر سري أنها تعرضت لأذى من خلال السحر، مشيرة إلى أنها لم تعد تتأثر بالأعمال، قائلة: أنا دايما بتأذي بالأعمال والأسحار، بس أنا دلوقتي مبقتش اتأثر وبقيت محمية بالنور وربنا.

واستكملت: الناس اللي بتعمل الأسحار دول أقل مننا بكتير وأنا قريت كتير في الطاقة ودرست تنمية بشرية، واللي بيحاول يعملي سحر هيفشل لأن أنا طاقتي طاقة نور، وأنا أقوى من أي ساحر أو مشعوذ والنور محوطني ومحدش هيقدر عليا.