حمدي الميرغني : اشارك بفيلمي تماسيح النيل وزومبي وأغيب عن دراما رمصان
قال حمدي الميرغني: بعامل اسراء عبد الفتاح زوجتي ونجمة مسرح مصر على انها بنتى و بتتضايق من عنادى وأصعب حاجة فيها غيرتها.
وعن الزواج من اسراء عبد الفتاح نجمة مسرح مصر قال الميرغني مبتسما هي اللي حبتني ومن جوايا كنت خايف ، وانا رومانسي في بعض التفاصيل واسراء تهتم بالتفاصيل أكثر في جانب الرمانسية وأنا اعامل إسراء كطفلة .
وأضاف ميرغنى خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة ، اسراء بتتعصب جدا ، واكتر حاجه بتضايقها مني اني عنيد ، وانا ممنوع من اكل اللحمة في بيتي بسبب اسراء مش بتاكلها ، وبدت اكل لحمة مع بنتي تمارا في البيت .
وتابع حمدى ومن أصعب اللحظات وانا داخل فرح ، وواحده مسكتني من ايدي واسراء اتخنقت معاها ، ووجه الميرغني رسالة رومانسية الي زوجته اسراء قائلا الي حبيبتي وابنتي وزوجتي احبك كثيرا .
وأوضح حمدى انه عنده فوبيا من الموتوسيكلات والزحمة ، ومش بحب الخرشوف خالص وانا بكره المطبخ ولا احب ان ادخل المطبخ ، وانا اب دمه خفيف في البيت وبحب بنتي تمارا جدا ، وبعشقها وبجلس معاها لفترات طويلة وهي دمها خفيف .
واضاف حمدى وحتي الان لم ادخل اي عمل درامي في رمضان المقبل ، ولم ادخل تجربة مشروع بجانب الفن وشاطر في الفن فقط .
وأضاف أن هناك مشروع فيلم تماسيح النيل ويضم نجوم الكوميديا ثروت وخاطر وهناك ايضا "زومبي "مع علي ربيع ، وهناك مشروع صرصرة فوق النيل ولكنه توقف بسبب كورونا واتمني ان نبدا تصويره.
وفى نهاية الحلقة قال الميرغنى اتمني دعم الغرامات وكل انسان ظروفه المادية صعبة ، ووجه دعوة إلى المشاركة للوقوف بجوار كل انسان يمر بظروف صعبة .
