هيدى كرم تدعم " معلمة المنصورة".. فيديو

دعمت الفنانة هيدى كرم,"معلمة المنصورة"، التي ظهرت في أحد الفيديوهات وهي ترقص خلال رحلة نيلية مع زملائها، والتي انتهت بطلاقها من زوجها ورفدها من العمل.

ونشرت كرم عبر حسابها الرسمي على " انستجرام"، قالت: "بقالنا يومين في قصة عجيبة غريبة من نوعها وكلنا بنتفرج عليها وساكتين، مش بنعمل أي رد فعل، معلمة المنصورة الست دي كانت في رحلة نيلية مع زملائها اللي بقالها سنين معاهم يمكن تعرف زوجاتهم وعيالهم كمان، الست سمعت شوية مزيكا واتمايلت شوية على المزيكا دمرتوها ضيعتوا مستقبلها".

وأضافت هيدى باكية: "ليه نعمل كل ده فيها، كلنا ممكن نتحط في نفس الموقف ده ومحدش بيسمي على حد، حتى الصحافة بتوصفها، غلط، ومحدش فكر في الستر، بتركنوه على جنب لما يبقى فيها تقطيع لحم الناس ونميمة".

ووجهت رسالة دعم للمعلمة: "أنا معرفش اسمك بس بدعمك، أرجوكي كوني قوية، متخليش حاجة تكسرك، أنتي ست محترمة، ومحدش له حاجة عندك، عملتي حاجة قدام الناس وسط نور ربنا، أزمة وهتعدي".