"البوسة ممكن تبقى حلوة في حالة واحدة".. نيللى تكشف مفهوم السينما من وجهه نظرها

قالت الفنانة نيللي كريم، عن مفهوم السينما النظيفة من وجهة نظرها، مشيرة إلى أن المشهد يعتمد على كفاءة المخرج والكادر.

واضافت نيللي خلال لقائها في برنامج بصراحة مع: أنا مع السينما الحلوة ميهمنيش نظيفة ولا لا حتى لو فيه مشاهد حب المهم القصة ومين المخرج ووجهة نظره أيه، وأنا حظي حلو أني اشتغلت مع مخرجين كتير عينهم حلوة زي كاملة أبو ذكرى في فيلم يوم للستات وفيه مشهد لإلهام شاهين وفيه علاقة غرامية بتحصل، ومع ذلك أنتي هتقعدي تتفرجي على الفيلم ومش مضايقة والبوسة ممكن تبقى حلوة أو وحشة حسب الكادر.

واشارن نيللى الى: زي الأفلام القديمة بتتفرجي على مشاهد الحب وأنتي فرحانة وبتضحكي وعينك فيها لهفة، والإخراج وجهة نظر معتمدة على المخرج وفيه مخرجين مقدرش أشتغل معاهم ومعنديش ثقة فيهم، وفيه مخرجين أشتغل معاه وانا مغمضة.

وأستكملت نيللي: وأنا عملت فيلم 678 بيتكلم عن التحرش وكل المشاهد محدش لمس حد، ومع ذلك المعنى وصل للمشاهدين، والفيلم كسب جوائز كتير أوي وأتعرض في أميريكا وأسبانيا والستات وهما بيتفرجوا بيقولوا أنا حصلي كدا، دا سبب جمال الإخراج أنك تعمل أي حاجة بس المهم العناصر تكون متكاملة، الجرأة ليها حدود وهيبة معينة.