فاتن موسي تهاجم مصطفى فهمى: " هى دي أخلاق الراجل الشرقي العربي"

هاجمت الإعلامية فاتن موسى،طليقها الفنان مصطفى فهمي، بعد معايرته لها بما أنفق عليها من أموال، وقوله إنها طلبت منه شراء شقة بـ3 ملايين دولار في لبنان، وشرائه سيارة لها، وأنها مادية، إذ ردت: "أولا مبقاش فيه شقة في لبنان بـ3 مليون دولار، عشان لبنان بتمر بأزمة اقتصادية حادة جدًا".

واضافت فاتن خلال حوارها في برنامج "كلام الناس"، مع الإعلامية ياسمين عز,أن مصطفى فهمي مادي للغاية، «طول الوقت بيحكي في أرقام، مؤخرها كذا، وجبت لها عربية كذا، وجابت 18 شنطة هدوم من حر مالي، ومن نفقتي الخاصة»، متسائلة: «هي دي أخلاق الفرسان؟، دي أخلاق الراجل الشرقي العربي، بيعاير مراته بالهدوم اللي جبهالها، وبعدين مفيش واحدة بتدخل بشنطة، ده الناس اللي بتيجي تساعدنا في البيت بييجوا معاهم شنطتين، هو اللي ديما يقولي خففي الحاجات».