ياراضي الكل
كلمات : ياسمين حافظ
ياراضي الكل ولا تشتكي
دايما وسط الزحمة تتنسي
تقول معليش
لا تهش ولا تنش
ويجي عليك الكل
ودايما تدوق المر
لا حد يحس بيك
ولا يختشي
ياراضي الكل
تقلت عليك الحمل
دايما تقول عادي
وبكل شيء راضي
وبرغم طيبتك
وحنية قلبك
يسيء بيك الظن
والكل منك يشتكي
ياراضي الكل
عمرك ما تمل
دايما للخير تلم
تحب تجمع الشمل
تجمع حبايبك حواليك
وتحطهم ف عينيك
بس ياعيني عليك
ف الاخر دايما بتتنسي
بتبص ع المليان
وبتسكت لو عطشان
تحاول تملى الفاضي
ف كوبايتك ولا تتملي
محدش بيقدر حبك
ولا بيحس بحزنك
مهما قدمت حب
يحسسوك بالذنب
تاخد ع دماغك
وتعيش دايما ف حرب
تعيش تايه مشتت
تفكيرك مش مرتب
ولا تعرف توقف
ولا منين تبتدي
