فى ليلة رأس السنة .. تويتر ساحة حرب بين كوكا وميدو
إشتعلت حرب التغريدات بين الاعلامى الرياضى أحمد حسام ميدو نجم المنتخب الأسبق و أحمد حسن كوكا مهاجم المنتخب المصري وفريق قونيا سبور التركي على موقع تويتر, بعد تغريدة ميدو معلقاً على استبعاد كوكا من قائمة المنتخب المصري رغم تألقه في الملاعب الأوروبية، قائلا: «مهاجم متواضع لا يصلح للمستوى الدولي حتى ولو أحرز 1000 هدف».
غرد كوكا قائلاً : "مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك ٢٩ سنه و كل الناس عارفه ليه. ثالثا لو رقم الاهداف الي انا جايبه شايفه قليل ماجبتوش انت ليه? مع ان الي بيلعب في نادي اكبر فرصه بتكون اكتر في التسجيل. رابعا حاولت تبقي مدرب و مبتكملش شهر في اي نادي"
وواصل مهاجم المنتخب المصري حديثه، قائلًا: «ثالثًا لو رقم الأهداف اللي أنا جايبه شايفه قليل ماجبتوش أنت ليه؟ مع إن اللي بيلعب في نادي أكبر فرصته أكبر في التسجيل، ورابعًا حاولت تبقى مدرب ومكملتش شهر في أي نادي».
واستمر هجوم كوكا على ميدو، حيث قال: «خامسًا بتحاول تبقي إعلامي وتتكلم عن ده وده عشان تبقي تريند بأي شكل، أي حاجه عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني».
واختتم مهاجم قونيا سبور هجومه، قائلًا: «أنا عارف أن أكبر غلط إني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كورة وبعد لما أموت غير السيرة الحلوة».
ميدو يرد
وعلى الفور غرد ميدو قائلًا: «عمري ما روحت المنتخب عشان ؟؟ حد مهم، أنت عارف كويس أنت بتروح المنتخب ليه، رد في الملعب حاول تروح المنتخب ليه».
وواصل نجم الزمالك السابق هجومه، قائلًا: «رد في الملعب وحاول تروح الملعب، أنت لاعب تعبان وأنت عارف ده كويس».
واستكمل ميدو حديثه قائلًا: «وأنا عمري ما لعبت في دويات اللي أنت بتلعب فيها، مصر كلها بتقول عليك لاعب على ما تفرج، مش أنا بس، وتاني أنت عارف كويس وأنت كنت بتروح المنتخب ليه».
واختتم ميدو تصريحاته قائلًا: «أجيب سيرة حلوة إزاي وأنت ما بتعرفش تلعب، مفيش حد هيجيب سيرتك لا بالحلو ولا بالوحش».
فى ليلة رأس السنة .. تويتر ساحة حرب بين كوكا وميدو
فى ليلة رأس السنة .. تويتر ساحة حرب بين كوكا وميدو
فى ليلة رأس السنة .. تويتر ساحة حرب بين كوكا وميدو
