بسمة وهبة مشيدة بإنجازات الرئيس: "مليون شكر ميكفوش"

قالت الإعلامية بسمة وهبة، إن الرئيس عبدالفتاح السيسي يسعى إلى توفير حياة كريمة لكل أهالي الصعيد، موضحةً: "كلمة حياة كريمة بتطير النوم من عيون أعداء البلد، وفي نهاية العام، كل العالم يعيش في أزمات، لكن مصر خرجت من السنة دي مستقرة وتبني وتطور وتبني قرى وتطور فيها وتعمل في كل مكان".

وأضافت خلال تقديم حلقة اليوم، من برنامج "90 دقيقة"، على قناة المحور: "ما حدث في 7 سنوات لم يحدث في عشرات السنوات، مليون شكرا من عندي من عندي ميكفوش، شكرا على إننا عايشين في بلدنا مطمئنين وإنك رجعتنا نحلم ونؤمن ببلدنا، وشكرا إن ولادنا وأطفالنا وشبابنا بقى عندهم أمل إن الأحلام ممكن تتحقق وإن أبواب البلد مفتوحة للكل دون فساد ولا للمحسوبية، بشرط تكون مخلص وعندك اللي تقدر تمنحه للبلد".

وتابعت، أنها كانت تخاف من تهديدات أهل الشر، وبخاصة أنهم هددوا المصريين بإراقة بحور من الدماء، لكن هذا الوضع تغير كليا "بس دلوقتي عايشة وشايفة إن أهل الشر في جحورهم، ومصر بقت منورة بالأمن والأمان وشرطتها وجيشها ولما بشوف الريس في قلب الشوارع قلبي بيتطمن لأني بشوف فرحة الناس إن عندها رئيس إنسان مخلص، أب ضهر قادر يسمعهم ويحميهم ويحفر معاهم في الصخر عشان يبنوا بلدهم ومكناش بنحلم بأحلى من كده".