غادة عادل عن انفصالها من الهوارى: "الطلاق أفادنا وأفاد أولادنا وبقت بيننا علاقة احترام متبادل"

تحدثت الفنانة غادة عادل عن مشاعرها أثناء فترة زواجهما، قائلة: "الطلاق أفادنا وأفاد أولادنا وبقت بيننا علاقة احترام متبادل.. إنت كنت طول الوقت شايف إن إنت الأب لينا، وأنا مش عارفة أتعامل مع الولاد".

وأضافت: "مكنتش عارفة أبقى مستريحة وسعيدة عشان أوصل لهم ده، مش بسببك لكن بسبب إني كنت مكبوتة.. أنا كنت مش عارفة أعبر عن اللي جوايا وأقول نفسي أعمل إيه، والولاد كانوا بيشوفونا بنتخانق كتير جدا. وكنت في فترة بتختفي وتغيب وأنا أدور عليك، وكان في وقت كنت مش قادرة أتقبل الحياة دي. كنت واخدني شيء مسلم بيه، وبتعاملني كإني بنتك."

ورد مجدي الهواري قائلا: "أنا حسيت إن لما جيتي مصر كنتي مش فاهمة الحياة، فخدت على عاتقي أفهمك كل حاجة والصح من الغلط، يمكن كان كتير لكن عذري الوحيد إني كنت خايف عليكي".