نجم الزمالك: اتحاد السلة لم يقصر في علاجي

أكد أنس أسامة لاعب نادي الزمالك لكرة السلة أن الاتحاد المصري لكرة السلة لم يقصر في مشوار علاجه بعد إصابته في الكتف ببطولة إفريقيا مع المنتخب الوطني.

وقال أنس في تصريحات لبرنامج "الماتش" الذي يقدمه الدكتور إيهاب الكومي عبر شاشة صدى البلد "أنا دفعت تكاليف العملية الأولى في مصر الي خضعت ليها، اتعرضت للإصابة والناس في الاتحاد كلموني دكتور مجدي وكابتن طلبة والمجلس قالولي شوف الاجراءات واحنا تحت امرك".

وتابع " أنا عارف إن الإجراءات هتاخد وقت، قلت أعمل العملية بتكاليف مني أنا وبعدين أحاسب الاتحاد".

وأضاف "مفيش تقصير حصل من اتحاد السلة، الروتين والأوراق علشان نطلع الفلوس وأنا مكنتش عاوز اتأخر لمصلحتي الشخصية ومصلحة النادي اني الحق ارجع هو سبب اني دفعت التكاليف مبدئيًا".

وواصل "انا قلت للجنة حسين لبيب الاتحاد هيتكفل وانا هتعامل معاهم في العملية وهم قالولي لو الاتحاد مش هيتكفل بحاجة احنا تحت امرك".