ويجز يكشف عن تفاصيل شخصية "جابر" فى أول تجربة تمثيل له

قال مطرب الراب ويجز عن تفاصيل شخصية جابر في مسلسل بيمبو، وكيفية إتقانه التمثيل في فترة قصيرة قبل مشاركته في المسلسل، كما تحدث عن تجربته الأولى في مسلسل بيمبو.

واضاف ويجز خلال لقائه مع برنامج Top Trending: أخدت كورسات تمثيل مع الأستاذة مروة جبريل، وهيّ تعبت معايا جدا في الأول، واللي تعلمته منها لقيته فعلا في التصوير، وشوفت السيناريو وعجبني جدا وكنت متردد لفكرة أني أمثل لأول مرة.

وتابع ويجز: كنت بقعد أسأل أستاذ عمرو سلامة هل أنت متأكد؟، ويقولي أه، ولو المسلسل عجب الناس ممكن أكمل في التمثيل، واكتشفت أن الموضوع ضخم وبيتطلب تنظيم رهيب، خصوصا أن التصوير مش يوم ولا يومين، لا ده بياخد وقت ومجهود كمان.

وكشف ويجز تفاصيل شخصية جابر في مسلسل بيمبو قائلا: بلعب شخصية جابر الشاب الصعيدي اللي متغرب من بلده وجاي القاهرة، وبحاول أدور على شغل وبتعرف على بيمبو في أول حلقة، وبعدها بنبدأ الكفاح مع بعض، وبنحاول نلاقي نفسنا ونوصل للي عايزينه.