على الحجار عن خلافه مع محمد الحلو :"بسبب مطرب"
قال الفنان علي الحجار عن علاقة الصداقة الكبيرة، التي تجمعه بالفنان محمد الحلو، مؤكدا أنهما متفاهمان على الدوام، ولم يختلفا سوى مرة واحدة.
وكشف الحجار للفنان امير كرارة فى برنامج سهرانين عن حقيقة خلافه مع محمد الحلو؛ بسبب مطرب آخر ألح على الحجار في تقديم أغنية بلادي أنا ابنك، لكن محمد الحلو كان رافضا لذلك بشدة.
واضاف الحجار: اكتشفنا بالصدفة أن الملحن باعها لنا إحنا الاثنين من ورا بعض، فبقت بتاعتنا سوا، وبقينا بنغنيها سوا في مكان ما، لكن كان في مطرب تالت نفسه يغنيها معانا وكل يوم يطلب مني ده.
وأستكمل الحجار: المطرب ده كان كل يوم يقولي عاوز أغنيها معاكم، لكن محمد الحلو بيرفض وبيقولي هيبوظ الأغنية، وأنا أقوله الراجل بيتحايل عليا، لكن هو يقولي نوع الغناء واللحن دا مش لايق على خامة صوته، المهم فضلت اتحايل عليه لحد ما وافق، وفعلا المطرب ده معرفش يقدمها صح، فقالي شوفت مش قولتلك هيبوظها.. هضربكم أنتم الاتنين.. ومحمد إيده طويلة عموما.
