حلمى بكر عن اغنية " شيماء" : " مش عايز أقل أدبي"

كشف الملحن حلمي بكر عن رأيه في انتشار أغنية "شيماء" لمؤدي المهرجانات يوسف سوستة.

وقال حلمي بكر في برنامج نص كلام مع الاعلامية رغدة شلهوب ": "أنا عمري ما سمعت مطرب اسمه سوستة، هل هي سوستة بنطلون؟ ومش عايز أقل أدبي وأقول السوستة بتتركب فين جاتكو 600 خيبة، وبعدين في قلة الأدب اللي إحنا فيها والقنوات اللي بتذيع لهؤلاء الناس، حياتنا بقت أغنية مرتبطة بـ وزة وسوستة، يا حلاوتكم يا شعب".

وانتقد حلمي بكر موقف المجتمع من هذه النوعية من الأغاني قائلا: "المجتمع إما متراخي بالقصد أو بالعند أو عاجبه اللي هو فيه، إذا كان عاجبه لا تضر باقي المجتمع، والقلة المتشدقة بالدفاع عن هؤلاء لازم تحاسب وتحاكم."

وأضاف: "دي جريمة ترتكب في حق البلد، لا النقابة لها دعوة ولا اللي بيغنوا دول الحثالة لهم دعوة، وما دمنا عندنا ثقافة جهل لا أمل فيما تقول أو ما أقول."