"مشكلتها كانت مع القدر"..احمد العوضى يكشف تفاصيل رسالته للجمهور بعد ازمة زوجته فى بداية المرض

تحدث الفنان احمد العوضى عن رسالته التى وجهها للجمهور بعد ازمة زوجته الفنانة ياسمين عبد العزيز قائلا: لما كتبت البوست عشان الناس تدعيلها؛ كنت حسيس، ولما دخلت تعمل العملية؛ قالي الدكتور عصام شلباية، هي قدامها من ساعة لـ3 ساعات وخلاص مش هتكمل، ولازم عملية بسرعة، فمضيت على إقرار العملية، وبقيت مستني تطلع، والدكتور عصام شلباية قالي بعد العملية، لو معداش النهاردة وبكره؛ فاحنا عملنا اللي علينا.

وأضاف العوضي خلال لقائه مع الاعلامية منى الشاذلى فى برنامج " معكم": علاقتي بياسمين جماهيرية ودايمًا الناس في تفاصيلنا أكتر، وهي مش مشكلة، وأحمد هيحميها، وقولت أنا وأخوها شريف وأصحابنا مش كفاية، الناس لازم تدعيلها، وقولت هي مشكلتها مع القدر، ولا يرد القدر إلا الدعاء.