" معكم" يعرض ملخص الجزء الاول من ظهور ياسمين عبد العزيز قبل الاستكمال

عرض برنامج " معكم" ملخص أهم تصريحات ياسمين عبد العزيز في حلقة امس قبل استكمال الجزء التانى, قالت كنت داخلة أعمل عملية عند دكتور النسا، عشان أنا عندي أكياس من وأنا عندي 16 سنة، وهي منتشرة عند بنات كتير، وعملت العملية دي حوالي 5 مرات.

كان صعب وكنت حاسة إن بكرة مش هبقى موجودة وروحي بتتسحب، وأول مرة أحس بشعور إني خلاص هموت، وأحمد العوضي أما نزل بوست مرضي الناس دعيتلي ويوم عرفة كان فارق ليا، والناس كلها دعيتلي وكأن الدعاء كله كان من نصيبي.

وأوضحت بأن الأزمة الصحية التي تعرضت لها خسرت بسببها 15 كليو، وكان تحت عيني أسود كأني واحدة تانية في المستشفى، وبعد ما عملت العملية طلعت الغرفة وبدأت أتكلم وأستعيد وعيي، ببص لقيت معدتي والأمعاء برا.

وقالت ياسمين عبد العزيز، في سويسرا عملت العملية الرابعة، دخلوا الأمعاء جوا بطني، وبعد 3 شهور من مرضي مسكت التليفون وبدأت أبص على كلام الناس، واتعقدت من جملة وحش الكون، وحضن أحمد العوضي اللي جابلي الكافية.

وأضافت كنت بدخل أعمل العملية ومحدش يعرف حاجة عني، ولكن المرة دي القولون اتخرم وجالي تسمم في الدم وعملولي العملية، والدكتور عصام شلباية أنقذ حياتي قالي انا داخل اعمل العملية، والدنيا بايظة خالص وعارف أن الموضوع كان صعب جدا.