ياسمين عبد العزيز :" القولون اتخرم وهذا الدكتور انقذ حياتى"

قالت الفنانة ياسمين عبد العزيز , رحت عشان أعمل عملية نسائية الدكتور قالي هتاخد من ساعتين لتلاتة وهعد يومين تلاتة في المستشفى ودخلت العملية محدش يعرف وكان معايا أحمد العوضي وبنتي وصاحبتي".

وأضافت ياسمين خلال لقائها مع الاعلامية منى الشاذلى فى برنامج " معكم": "بعد خروجي من العملية شعرت بألم رهيب وكنت بقولهم "أنا بموت" وخرجت من العملية مش فاكرة حاجة بسبب المخدر والمسكنات التي حصلت عليها بسبب الآلام التي أشعر بها انا ست مش بدلع وحمولة لما بكون بتوجع بيكون إحساس حقيقي".

واستكملت ياسمين : "بعدها بكام يوم قالولي لو معملتش العملية كمان ساعة هتموتي والقولون اتخرم وجالي تسمم في الدم وعملولي العملية والدكتور عصام شلباية أنقذ حياتي قالي انا داخل اعمل العملية والدنيا بايظة خالص وعارف أن الموضوع كان صعب جدا".