ياسمين عبد العزيز على الهواء:"مكنتش عارفة إني فى يوم هطلع فى برنامج أتكلم فى حاجة زى كده"

قالت الفنانة ياسمين عبد العزيز فى بداية حديثها: "مكنتش عارفة إن فى يوم هطلع فى برنامج أتكلم فى حاجة زى كده، كنت داخلة أعمل عملية بسيطة جدا ومش أول مرة أعملها، عملتها 5 مرات، وكنت أعملها وأمشى على طول وأروح شغلى ومحدش يعرف حاجة".

وأضافت ياسمين خلال لقائها مع الاعلامية منى الشاذلى فى برنامج "معكم" : "كان الدكتور بيقوللى إزاى تستحملى الوجع ده إنتى بطلة، وأنا بطبعى مش شكاية، روحت أعمل العملية، قلت للدكتور العملية هتاخد قد إيه، قال ساعتين أو تلاتة، كان معايا أحمد وابنتى وصاحبتى، دخلت عملت العملية وكان فيه عملية أخرى فى نفس الوقت، يعنى فى شهرين عملت 4 عمليات، ودكتور التجميل بيجمل بطنى، طلعت من العملية بألم رهيب جدا وبصرخ وأقول أنا بموت".