سي السيد
كلمات: ياسمين حافظ
سي السيد ف أصله عنيد
وصارم زي الحديد
بيحب يوجه ويعدل
من غير ما يعيد ويزيد
وحياته ف بيته روتين
مفيهاش اي تغيير
ويخرج من بيته
يعيش حر من غير
تقييد
مراته ياعيني عليها
ممنوعة م حقوق ليها
وياعيني انكسرت رجليها
لما فكرت ف التغيير
طول عمرها راضية وساكتة
وع غلبها اتحملت كتييير
لما سي السيد يضربها
و فاكر كده تظبيط
لكنه بيقتلها ومش بيصونها
و واخدها كده تهديد
سي السيد
دايما شايف نفسه ع حق
وع طول عامل مابينهم فرق
خايف لقلبه يرق
ويبوظ كل التظبيط
ولازم يشعلل نار
ويخلي البيت منهار
خايف جدا وقلقان
وعايش دايما ع التشديد
دايما واخدها بالقوة
ويخاف يبان من جوا
مع أنه حقيقي لطيف
ع عكس في بيته مخيف
مع أنه ياسي السيد
مش عيب
تعيش ظريف ولطيف
العيب هو وقت العيب
ما تعرفش تكون مخيف
والصح تكون حنين
ومع مراتك هين
وتبطل تبقى عنيف
أصل اللي انت ماشي بيه
ده مش اللي اتقالنا عليه
ولا الدين أمرنا بيه
لو عاوز فعلا تمشيها صح
من غير أي جرح
من غير منع وتقييد
قرب شارك حن
رق بقلبك تلين
افهم قدر بلاش تستهين
بطل تعيشها زي السجين
وتخلي وراها في كل حتة
عين
ومن أولها احترم وسن القوانين
وازرع حب متين
ومع الثقة والحب والتقدير
هيكبر الحب مابينكم
و ف كل ثانية يزيد
