عمر مرموش يسجل هاتريك فى مرمى الأهلى .. تعرف على التفاصيل

وجه نجم منتخب مصر والإسماعيلى الأسبق على أبو جريشة الشكر الى كارلوس كيروش المدير الفنى للمنتخب على اتاحته الفرصة للمواهب الشبابية ومنهم عمر مرموش,مشيراً أنه المكتشف الحقيقى لعمر مرموش نجم المنتخب الوطنى ،

قال أبو جريشة فى مداخلة هاتفية لبرنامج اللعبة الحلوة مع خالد الغندور عبر إذاعة أون سبورت إف إم:"بسمع ناس كتير بتقول أنها من اكتشفت عمر مرموش لما كان فى وادى دجلة وده مش حقيقى ، أنا اللى اكتشفت اللاعب وخدت بالى من موهبته الكبيرة لما كان فى وادى دجلة".
قائلاً:" كان كارتيرون مدرب وادى دجلة وقتها وخدته من ايده قولتله تعالى هفرجك على لاعب مشكلة ، وفعلا قعدنا نتفرج وكان ماتش شباب الاهلى مع وادى دجلة وانتهى 3-3 وعمر مرموش سجل هاتريك دجلة فى الاهلى".
قال أبو جريشة:" مرموش كان فى المدرسة الامريكية ووالده المهندس خالد قالى مش هينفع يسيب المدرسة ويجى التمرين قولتله انا هحلها عشان عارف موهبة الولد ومقتنع بقدراته ، قولتله تخلص المدرسة وتيجى وخليت مدرب يستناه كل يوم العصر ويدربه لوحده".