سألت نفسي
كلمات: ياسمين حافظ
سألت نفسي كتير
هو جرى للناس ايه
راح فين الخير
مبقاش ف احترام ليه ؟؟؟؟
الكل ضاربها طناش
والمباديء طلعوها معاش
جرحوا في العادات
خلوها أزمات
والحلو يروح ببلاش
والأي كلام يتقاله
عاش
المظبوط يحجزوله الانعاش
والكل ضاربها طناش
المهم يعيش وخلاص
مش مهم يجرح مين
ولا يعمل حساب دين
ولا عشرة سنين
والكل بقى يتسابق
ازاي يبيع بضمير
ازاي يكون ف الشر
حريف
بقينا بنشد حيلنا ع الضعيف
ونظلم بشكل مخيف
نسينا وسط الزحمة
ازاي نتعامل بالرحمة
ومشينا بالقسوة
لحد ما اتهرسنا
اتجمدت قلوبنا
والخوف من ربنا
مبقاش ف حسابنا
