الراشن كيك الروسيه حاجة ولا فى الخيال
تعرفى على طريقة عمل الراشن كيك او كيكة العسل الروسية حاجة كدة من الاخر ملهااااش حل مع فنجان القهوة او النسكافيه مقدمة من الشيف شرين الجندى
مقادير راشن كيك
١٠٠جرام سكر ناعم ابيض
١٠٠جرام عسل ابيض
130جرام ذبده
5جرام فانيليا
6جرام بيكنج صودا
450جرام دقيق وممكن تزيد ل 500جرام حسب نوع الدقيق
3حبات بيض بحراره الغرفه
الطريقه
على النار تضعي حله وفيها الزبده والسكر والعسل لما تختلطو على نار هاديه ويبدا الخليط يغلي مع التقليب بمضرب يدوي لما يبدأ يغلي تضيفي البيكنج صودا وتقلبي بسرعه لحد ما ياخد لون ذهبي قريب من الكافيه
ابعدى الخليط من على النار وخليه يبرد لمده 5دقائق
ثم تخلطي البيض مع الفانيليا وتزلي بالبيض على خليط الكراميل وبمضرب كهربائي تخلطي بسرعه لانه هيكون دافي لسه عشان البيض مش يستوي
اخر حاجه تضيفي الدقيق وتعجني مش عجن كتير بس تلمي العجين لو لقيتي العجين بيلزق في ايدك ضيفي كام معلقه دقيق لحد ما تلم خليها في بلاستيك رول في الثلاجه نص ساعه
وبعدين قسميها 8قطع متساوية
وعلى ورق زبده تفردي كل طبقه واعملي فيها خروم بشوكه وتستوي في فرن حرارته متوسطه يكون ساخن مسبقا الرّف الوسطاني مش تزيد التسويه عن 5دقائق
الكريمه
كريمه الحشو عملتها كريمه خفق سائله تقريبا ٢كوب
وعلبتين زبادي كبار
وعلبه قشطه و4ملاعق كبار كريم بتسري تخلطي كله يكون القوام تقيل ومتماسك
بفرشه تسقي الطبقات لبن مش كتير
وتضعي الحشو بين كل الطبقات وتاخدي طبقه منهم تفرميها ناعم جدا وتغطي بيها الجوانب والوجه واتركيها من بالليل للصبح. والأفضل لسهوله التقطيع وضعيها في الفريزر لمدة ساعتين
