بسمة وهبة لمحمد صلاح: " أطلب يا بنى اللى عاوزه وبتحلم بيه"

وجهت الاعلامية بسمة وهبة رسالة للاعب المصرى محمد صلاح قائله: اطلب يابنى اللى أنت عاوزه واللى بتحلم بيه، وكلنا معاك.. ومش هنحسدك ولا ننبر عليك.. وهنقول ما شاء الله تبارك الله.

وتابعت وهبة خلال برنامجها 90 دقيقة : خليك في ليفربول.. العتبة حلوة.. ومن غير زعل بقى.. كلمتين ولازم أقولهم.. بلاش والنبي الناس بتوع الكورة في مصر اللى بيدوروا على شهرة يستغلوا اسم صلاح في الخناقات والمقارنات بتاعتهم.. كفاية استغلال لاسم صلاح.. عشان صلاح سبقكم كلكم بسنوات ضوئية.. سيبوا صلاح في حاله.. سيبوه ينجح ويحقق إنجازات ويرفع اسم مصر للسما قدام العالم كله.