بالتزامن مع عرضه.. انتهاء تصوير مشاهد مسلسل "إجازة مفتوحة"
أعلن المخرج محمد حماقي انتهاءه من تصوير مشاهد مسلسله "إجازة مفتوحة" الذى يعرض حاليًا على قنوات أون.
حيث كتب عبر حسابه على "فيسبوك" قائلًا: "الحمدلله رب العالمين فركش إجازة مفتوحة وده مكنش هيحصل من غير الكرو المحترم جدا والشاطر جدا اللي كان موجود بداية من المنتجة أم قلب فلة مها سليم، وعشرة السنين تامر فتحي وأحمد فرغلي ورجالتهم خالد كمال و مصطفى ماهر وجارحي وباقي الرجالة وكرو التصوير مدير التصوير الجامد اللي جاي عباس يحيى ورجالته حامد عبد التواب وخشبة وتامر وحلمي، وكرو الإضاءة المحترف المحترم بعمر ووحيد ومصطفي"
وأضاف: "وطبعا قسم الديكور بقيادة الدكتور الشاطر والجدع أحمد عزب ورجالته المهندسة خلود والمهندس محمد حامد، وطبعا رجالة الإكسسوار المحترمين كريم وطارق ولمونة، وقسم الملابس دنيا عبد المعبود والكرو الشاطر بتاعها منة وكريم وبدر وكرو الكرين والبانثر الرجالة اللي استحملوني خالي محمد فتحي ورجالتة وخالي ناصر فتحي ورجالتة والمونتير الجامد احمد طرابيلي ورجالتة وكرو البوفيه المحترم حمادة وكريم ومعتز والخدمات حسن ورجالتة وأشكر رجالة قسم الصوت أحمد سمير ورجالته محمد سمير وخراط وياسين وخالد، ورجالة الاسيست عصام و حمادة واسماعيل و كراوية وبودا و ثروت اشطر كلاكيت واشكر رجالتي اللي كانوا في ضهري و استحملوني المخرج المنفذ و المخرج اللي جاي تسلم ايديكم يا جماعة من غيركم مكنش هيبقي فيه اجااااازة مفتوحة واسف لو نسيت حد”.
يذكر أن "إجازة مفتوحة" يشارك في بطولته بجانب شريف منير، ولقاء الخميسى، كل من الفنانة سميحة أيوب، ملك قورة، نور محمود، دنيا ماهر، مراد مكرم، كريم أبوزيد، هشام إسماعيل، هدى مجد، صبا الرافعى، ألفت عمر، محمد العمروسى، أحمد زكريا، وعدد من الفنانين الشباب، وتأليف أحمد محمود أبوزيد، وإخراج محمد عبدالرحمن حماقى.
