كيكة التوفى بطريقة سهلة للشيف سوما ابراهيم
تعرفى على طريقة عمل كيك التريلتشيا او كيك التوفي
هي معروفة باسم كيك الحليب التركيةكيكه طعمها حلو اووي وسهله من الشيف سوما ابراهيم
المقادير :
للكيك:
كوب وربع دقيق منخول مرتين
نص كيس كيك شيف
بيضتين
كيس فانيليا
نص لبن
معلقه صغيره خل
نص كوب زيت
نص كوب سكر
للكراميل:
كوب سكر
ربع كوب مايه
معلقه كبيره زبدة او معلقه صغيره سمنه
كوب لبن
معلقه كبيره نشا
للكريمة:
كسين كريم شانتيه
نص كوب لبن مثلج
الطريقة:
ف الخلاط هنضيف البيض والسكر والفانيليا ونضرب وننزل يالزيت ونضرب وننزل باللبن والخل ونضرب كويس
ف بولة هننخل الدقيق مرتين او تلات مرات ونضيف الكيك شيف ونقلب وننزل بالسوايل علي الدقيق ونقلب كويس ونصب الخليط ف صينية مدهونة بالزيت ومرشوشه بالدقيق وندخلها فرن سخن درجة متوسطةالرف اللي في النص علي الشبكة هتقعد من٤٠ل٤٥ ومانفتحش عليها خالص الا بعد ما الوقت يعدي ونفتح الفرن براحه ونختبر تسويه الكيكه بشوكه او عود شيش طاووق ولو طلع نضيف ومفهوش حاجه يبقا استوت نشول خدت لون من فووق ولا لأ لو لأ هنفتح الشوايه دقيقه تامد اللون ونتابعها عشان ماتتحرقش وبعد كده نقفل نار الفرن ونخلي باب الفرن مفتوح شويه ونسيبها ١٠دقايق في الفرن وبعد كده نطلعها نسيبها تبرد خالص ونخرمها بخله اسنان ونسقيها كوب لبن بحراره الغرفه ونسقي الكيكه ونسيبها علي جنب.
هنعمل الكراميل:
هنحط السكر والمايه ف طاسة علي النار متوسطه منغيرما نحركها ولا نقلبه خالص لما يتكرمل ماتخليهوش يبقا غامق اوي عشان مايمررش بعد كده ننزل بمعلقة زبدة او سمنه وبعدها ندوب النشا ف اللبن كويس وننزل بيه علي السكر ونقلب لحد مايتجانس ممكن تلاقي في الاول السكر بقا قطعه متماسكه ماتخفيش سبيه علي نار متوسطه وهو هيفك لوحده وبعد كده تسبيه يبرد خالص.
الكريمة:
هنضيف الكريم شانتيه وعليه اللبن بالتدريج ونضرب لحد مايتماسك
بعد ماسقينا الكيكه باللبن هنحط عايه الكريمه ونفردها ونشيل جزء من الكريمه في كيس عشان الوش وبعد ماحطينا الكريمه هندخلها التلاجه تتماسك وبعد كده نطلعها نحط عليها الكراميل بعد مابرد ونعمل خطوط بالعرض بالكريمه وممشي رايح حاي بخله الاسنان او عود شيش طاووق عشان تدينا الشكل ده من فووق وندخلها التلاجه تتماسك.
وبالهنا والشفا
