نجم الزمالك السابق يفتح النار على كيروش بعد استبعاده قفشة وشريف

أبدى تامر عبدالحميد الشهير بـ "دونجا" نجم نادى الزمالك السابق غضبه من إختيارات البرتغالي كارلوس كيروش المدير الفني لـ منتخب مصر الوطني لقائمة الفراعنة لمواجهة منتخب ليبيا فى تصفيات مونديال قطر 2022.

وكتب عبر حسابه على فيسبوك قائلًا: لما كنت بقول ازاى الجهاز الفنى لمنتخب مصر مفيش فيه عنصر زملكاوى جماهير الأهلى تقولك بلاش التعصب ده والانقسام ده وخليك ورا منتخب بلدك وادعم من هو موجود وكلام مش حلو تانى .

وأضاف: "دلوقتى حرب على كيروش من جماهير الأهلى بسبب استبعاده لـ قفشه وشريف وشكله كده مش هيستمر كتير لو هيمشى بالنظام ده".

وتابع: "لسه مش عارف حاجه .. حد يقعد معاه يفهمه من الجهاز الفنى فيه حاجات فى الكرة المصرية خط أحمر".

واختتم قائلًا: "أنا على فكره مش مع استبعاد قفشه ولا شريف".

يذكر أن منتخب مصر يواجه نظيره منتخب ليبيا يوم الجمعة المقبل ويوم 11 أكتوبر الجاري فى إطار تصفيات كأس العالم المقرر أن تقام فى قطر 2022.