ما شبعت منك.. رسالة حزينة من سلاف فواخرجي لوالدها الراحل

وجهت الفنانة سلاف فواخرجى رسالة مؤثرة لوالدها الراحل الذى توفي الأيام الماضية.

حيث كتبت فواخرجي عبر حسابها على إنستجرام قائلة: "شو يعني ادخل البيت وماشوفك، شو يعني دور عليك وما اتبارك بوشك، شو يعني ما إوعى الصبح ع اسمي من تمك، شو يعني يبقى الصدى ويغيب صوتك، شو يعني انت مالك هون بس مّلّلي الدنيه عطرك، وشو يعني يمرق وقت وماتكون وقتي واحمل همك، وشو يعني بطّل اعمل صبي حلاق واحلقلك".

وأضافت: "شو يعني ساعتك ع جنب ومانها بإيدك، شو يعني كتابك مسكّر وباردة مكتبتك، قميصك المكوي بزيادة وبيجامتك وتفاصيلك، الزيتونة كانت ناطرة أول مطرة، انجرح المطر بروحتك ، ونشفت، العنب بطّل حلو ومنه الدمع أحمر، والصبار زاد شوكه قهر وأسى بعدك، والياسمينة دبلت على غيابك مش مصدقة، وبعدها عالباب ناطرتك، يابابا … كنت ضل شوي … اشتقت شمك، لو عشت العمر عمرين ، بحاجتك، وبيبقى بكير وبعد بكير، وماشبعت منك".