مهندس الصفقات يطالب الخطيب بالاعتزال

طالب مهندس الصفقات عدلى القيعى الكابتن محمود الخطيب رئيس النادى الاهلى بالاعتزال ،لافتا انا تحت امر الاهلى عشقى الوحيد.

وقال عدلى القيعي في تصريحات خلال قناة الأهلي: أقول للكابتن الخطيب أنا بقالي 14 سنة وأنت بتهزر معايا تقولي عايزين نعملك ماتش اعتزال، وكل شوية أقولك يالا بينا، تقولي مش وقته يا عدلي، لحد السنة اللي فاتت يا كابتن محمود.

وتابع القيعى اقول للكابتن الخطيب حان وقت الاعتزال ، وأنت علمتني لحظة الاختيار، أنت لما اخترت تعتزل اعتزلت في أعظم لحظة لك وأنت واخد بطولة ووشك متعور والدنيا دراما ومش عارفين هتجيلك اللحظة دي تاني أو لا، وكنت تقدر تلعب سنه واتنين تانيين.

وتابع القيعى ارجو تقبل إعتذاري هذه المرة، وأنا إن كنت أعتزل احتراف النادي الأهلي، لن أعتزل عشقه وتحت أمره في كل شيء، وشكرا لمجلس الإدارة وعليهم أن يقبلوا اعتذاري واعتزالي، والحمد لله مش هلاقي لحظة ولا مباراة اعتزال أجمل من أمس الأول، حينما قرر مجلس الإدارة تكريمي .