سمية الخشاب ترفع شعار " السنجلة اريح".. وتنتظر "كريستيانو رونالدو"
اعترضت الفنانة سمية الخشاب عن لفظ" عانس" التي تقال على المرأة التي لم تتزوج بعد ويكبر عمرها، حيث كتبت :"مفيش حاجه اسمها ست عانس، في حاجه اسمها ست لسه ملقتش شريك حياتها المناسب، ما هو مش اي حد وخلاص ده المفروض جواز وتوافق".
اضافت:"مفهوم العنوسه ده غلط جدا ومش عارفه ليه دايما مقرون بالمرأه وبعض الناس بتستخدمه كنوع من التقليل منها، يا ريت نتخلص من المعتقدات الرجعيه دي، وعمتا السنجله اريح".
سخر متابعيها من كلامها، وعلقوا:" احنا نلغي الجواز يا فنانة"،" "السنجله باقية وتتمدد"،" عانس كلمة عربية اصيله ولا تقلل من المرأه في شي".. وغيرها.
كما نشرت الخشاب صورة لها وهي بطرحة الزفاف، واكدت على حماسها وانتظارها اول مباراة لكريستيانو رونالدو، إذ انها تحرص هذه الفترة على متابعة كرة القدم الاوروبية بشكل كبير، وقالت:"مش قادره استني اشوف اول ماتش لـ كريستيانو رونالدو مع اليونايتد، حاسه اني هبقي متحمسه ومبسوطه كأنه يوم فرحي".
