مش هنساكى أبدًا يا ديدي.. رسالة مؤثرة من سارة عبد الرحمن لدلال عبد العزيز
حرصت الفنانة الشابة سارة عبد الرحمن على مشاركة جمهورها ذكرياتها مع النجمة الراحلة دلال عبد العزيز.
حيث نشرت صورة تجمعهما من كواليس مسلسل "سابع جار" وكتبت قائلة: "يمكن لو كتبت استوعب؟ ماعرفش بس إما بافكر اكتب باحس أن مفيش كلام يكفي، عشان أكون صريحة البداية ماكانتش حب من أول نظرة خالص.. أخدنا شوية وقت وكام موقف كدة عشان نحب بعض وشوية وقت كمان عشان نكون أصحاب بس بعديها عرفت يعني إيه صداقة و يعني إيه ضهر ويعني إيه لذاذة وضحك ويعني إإيه بركة ويعني إيه تواضع ويعني إيه طيبة نقية كدة من غير أي حاجة".
واختتمت:"كل ده كوم و الحاجات اللي اتعلمتها في الشغل اللي هاتفضل حلقة في ودني كوم تاني باكتب وبرضه مش قادرة لسه أصدق وعمالة أسمعك وانتي بتقوليلي "يلا يا نصابة" ديدي، أنا باحمد ربنا اني عرفت ملاك زيك وعمري ما هانساكي أبدًا عشان انتي ماتتنسيش وحشتيني اكتر مانتي كنتي اصلا وحشاني بحبك".
