لحظة انسجام بين دلال عبد العزيز وسمير غانم على الهواء.. فيديو

تعد الفنانة دلال عبد العزيز إحدى النجمات اللاتي قدمن عديد من الأعمال الفنية التي ظلت علامة في تاريخ السينما والدراما والمسرح لأنها قدمت العديد من الأدوار المتنوعة.

وفي مقطع فيديو قديم، فاجأت الفنانة دلال عبدالعزيز زوجها الفنان سمير غانم، بسؤال محرج خلال لقاء له مع الفنانة صفاء أبو السعود ببرنامج "ساعة صفا"، قائلة: "بعد 14 سنة جواز إيه رأيك في الجواز؟".

وبطريقته الكوميدية المعتادة رد سمير غانم على سؤال دلال من خلال تعبيرات وجهه الكوميدية، ثم أجاب: "الجواز حلو بلا شك الجواز زي أي حياة فيها الحلو وفيها الوحش، بس الزوج الشاطر هو اللي يمشي المركب ميكعبلهاش في أزواج بيقلبوا نكد كده بلا داعي بس مش مستاهلة طالما فيه جواز وأطفال خلاص"، وأضاف مازحًا: "أنا بشتري دماغي بكام معرفش".

وعادت دلال ووجهت له سؤالًا آخر حول سبب عدم تكرار التعاون مع بعض النجمات اللائي اكتشفهن وقدمهن في عدد من أعماله، فقال: "أنا في النقطة دي مببصش لده أنا ببقى سعيد إن النجمة اللي اشتغلت معاها تصعد بعد كدة وتبقى هايلة لو جات الظروف إني اشتغل معاها تاني ببقى سعيد مبعملش ارتباط معين وصدفة اننا مبنشتغلش مع بعض تاني".

وأضاف: "النجمة اللي بشتغل معاها ممكن مسرحية ممكن اتنين لكن معملش التالتة، لما عملت مسرحيتين مع دلال والجمهور عارف إنها مراتي مكنتش أقدر اقنعه إنها مش مراتي، كان فيه مشاهد غزل بينا إزاي هقنع الجمهور إني اللي بغازلها دي مش مراتي؟".