طلاب علمي علوم القليوبية: امتحان الأحياء يحتاج خريجي طب وليس ثانوية عامة

السبت 31/يوليو/2021 - 12:04 م

أدى طلاب الشعبة العلمية بالثانوية العامة اليوم السبت ٣١ - ٧-٢٠٢١ امتحان مادة الأحياء لمدة ٣ ساعات والذى بدأ في الساعة العاشرة وانتهى في الواحدة ظهرا.

وخلال جولتها امام اللجان بمدارس القليوبية، رصدت الجمهورية اونلاين ردود افعال طلاب علمى علوم وارائهم حول مستوي الامتحان والتى كان عنوانها الأبرز والأوضح هو الصعوبة الشديدة والتي دلل عليها بكاء الكثير من الطلاب فور خروجهم من لجان الامتحان.

كما عبر الكثيرين عن صدمتهم من مستوى الاسئلة وضيق الوقت وان الامتحان كان يحتاج طالب "طب" ليجيب عن الاسئلة وليس طالب ثانوية عامة.

قالت الطالبة اميرة والله حرام يكون امتحان ثانوية عامة بالصعوبة دي، الامتحان كان عاوز طلبة طب تجاوب عليه مش احنا خالص،

وشاركتها الرأي الطالبة الهام سيد اسوأ امتحان شوفته لما يكون ٥٠ سؤالا منهم ٣٠ صعبة جدا و٢٠ فوق المتوسط ده يتسمى ايه؟

واضاف الطالب ياسين فوزي الامتحان كله اسئلة غير مباشرة ومحتاجة تفكير طويل عشان نجاوب ده لو عرفنا الاجابة الصح.

وقالت الطالبة ناديم محمود اسئلة كتير كانت من خارج المنهج وغير مباشرة معرفش ازاي نتعامل مع الاسئلة دي والمفروض نجاوبها، ووافقتها الرأي الطالبة ياسمين خالد الامتحان كان سئ وصعب والوقت غير كافي للتفكير في الاجابة.

واكد الطالب ياسر علي مش عارف ده امتحان ولا انتقام هو حد قالهم اننا طلبة طب علشان نقدر نجاوب على الاسئلة الصعبة دي

كما اعرب أولياء الأمور عن استيائهم من الامتحان بعد ان روى لهم ابنائهم مدى صعوبته مؤكدين ان صعوبة الاسئلة اصابت ابنائهم بحالة من "اللخبطة" وساهمت في عدم تمكنهم من الاجابة.