استياء بين طلاب علمي رياضة بسبب الديناميكا.. اسئلة تعجيزية ومن خارج المنهج
طلاب الثانوية العامة شعبة علمي- رياضة بعد انتهاء امتحان الديناميكا بإدارة الهرم وعلى وجوههم علامات الغضب والاستياء وأكدوا صعوبة الامتحان وعدم كفاية الوقت
قال الطالبان محمد أحمد وحسن علي بمدرسة هضبة الأهرام الرسمية إدارةالهرم بمحافظة الجيزة:" الامتحان صعب وغير مباشر وطويل وفيه اجزاء كثيرة فوق مستوى الطالب المتوسط وفيه اجزاء تعجيزية والوقت قليل و الرسومات البيانية كتير ومعتمد على مناهج خدناها أولى وثانيه ثانوي فا اكيد نسيناها حرام تكون امتحانات علمي رياضة دايما صعبة هيجبروا الكل يدخل ادبي بعد كده".
وقالت ولية أمر :" حرام عليهم طول السنة مذاكرة ودروس وتوتر والامتحان جاي صعب وطويل ومعقد كده، واضع الامتحان بيتسعرض عضلاته على الطلاب وجايب اسئلة صعبة وتعجيزية منه لله ابني خارج محبط جدا بعد كل التعب ده معرفش يحل واجزاء كبيرة من خارج المنهج .
قال الطالبان محمد عبدالعظيم ووليد السيد :" الامتحان فيه اجزاء متوسطة ممكن اي طالب يحلها لكن النسبة الاكبر من الامتحان فوق مستوى الطالب المتوسط ومحتاج تفكير كتير ووقت اطول وفيه نقط كتيرة اول مرة نشوفها وطريقة حلها صعبة وغير مباشرة وساعتين قليل على امتحان الديناميكا كان محتاج ٣ ساعات".
