يسرا تحيى الذكرى الثانية لوفاة والدتها بكلمات مؤثرة
أحيت الفنانة يسرا الذكرى الثانية لوفاة والدتها، حيث نشرت عدد من الصور التي تجمعهما، وعلقت بعدد من الكلمات المؤثرة، وقالت:"أمي الغالية سنتين فاتوا على فراقك.. وحشتيني أوي و حقيقي الحياة من بعدك فيها حاجة ناقصة أوي بنسبالي.. خدتي معاكي يا أمي الفرح كله و الحزن كله معاكي، كل حاجة بقت شبه بعضها من بعدك، يمكن الحاجة اللي مصبرة قلبي على فراقك إني عارفة إنك في مكان أحسن و أنضف و أنقى، مكان مليان حب و سلام و تسبيح لرب الكون سبحانه وتعالى".
اضافت:"وحشتيني و وحشني حضنك وطبطبتك عليا وأنا في حضنك.. حقيقي أنا عايشة برضاكي و برك عليا ربنا مايحرمني من برك عليا.. ربنا يجمعني بيكي على خير. بشكر كل حد فاكر أمي في دعائه و ربنا مايحرمكوش من أي عزيز أو غالي.. فضلا وليس أمرا برجاء الدعاء وقراءة الفاتحة".
حرص عدد كبير من الفنانين دعمها والدعاء للراحلة، منهم، هند صبري، ليلى علوي، عمرو يوسف، عمر السعيد، مهيرة عبد العزيز، عبير صبري، كنده علوش، احلام... وغيرهم.
