"من حبى ليها ولصوتها .. هانى شاكر يوجه رسالة خاصة لشيرين عبد الوهاب

وجه الفنان هاني شاكر، نقيب المهن الموسيقية، رسالة خاصة للفنانة شيرين عبد الوهاب.

وقال شاكر ببرنامج "شربل يستقبل" : "شيرين قلبي معاكي، وأنا عارف إنك بتمري بظروف صعبة اليومين دول جدا جدا.. ظروف عائلية - نفسية بقالها فترة، وبدعيلها من قلبي إنها ترجع مرة أخرى، وتبقى مركزة في شغلها أكتر، وربنا يروق لها حياتها وقلبها".

وتابع: "شيرين عبد الوهاب صوت جميل، وعلاقتي بيها من زمان أوي.. من قبل النقابة، من وقت حسن أبو السعود وكان عندها مشاكل معاه يوميا ومحاضر في النقابة، ومع نصر محروس".

واستكمل شاكر : "من حبي لشيرين وصوتها.. أنا ونهلة جبناها هنا في البيت هي وحسن أبو السعود ونصر محروس، وأصلحت العلاقة بينهم بشكل ودي وحبي، وخلصت لها المشاكل دي كلها، لأن كان صعبان عليا في وقت من الأوقات، الأخبار التي كانت تكتب عن شيرين إن عندها مشاكل في الحتة الفلانية، ومحضر في الحتة الفلانية، وقضية في الحتة الفلانية".