تباين اراء طلاب أدبي ثانوية عامة بالقليوبية حول امتحان الفلسفة والمنطق

الأحد 18/يوليو/2021 - 12:01 م

أدى طلاب الشعبة الأدبية بالثانوية العامة اليوم ١٨ يوليو ٢٠٢١ امتحان مادة الفلسفة والمنطق والذى بدأ في الساعة العاشرة صباحا وانتهي في الواحدة ظهرا.

ورصدت الجمهورية اونلاين خلال جولتها بمدارس القليوبية ردود افعال الطلاب حول مستوي الامتحان، حيث تباينت ارائهم بين السهولة والصعوبة وكانت في مجملها تشير الى انه جاء في مستوى اعلي من المتوسط.

قال الطالب عبد الرحمن ابو بكر كنت متخيل ان الامتحان هيكون أسهل من كده وانه هيبقي في مستوى الطالب المتوسط لكنه كان أعلي من كده بصراحة.

وقال الطالب زياد ياسر الامتحان كان معقول لكن الاسئلة كانت كتيرة ومحتاج وقت أطول علشان نجاوب بشكل أفضل ونقدر نوصل لنتيجة كويسة ترضينا.

وشاركته الرأي الطالبة اسماء احمد مؤكدة ان الامتحان كان طويل والوقت غير كافي للاجابة عن الاسئلة خصوصا انها كانت غير مباشرة الي حد كبير.

واضاف الطالب محمد ابراهيم المفروض ان مادة الفلسفة والمنطق تكون اسئلتها مباشرة لكن اللي حصل ان كان فيه اسئلة كتير غير مباشرة وبالتالي مش مستعدين للنوع ده من الاسئلة.

وخالفه الرأي الطالب رضا محمود قال: اعتقد الامتحان كان مستواه متوسط وقدرنا نجاوب بشكل جيد ونتمني من ربنا النتيجة تكون حلوة.

وقال عبد الرحمن محمود كان ممكن الامتحان يكون اسهل من كده لو كان زي ما درسنا وتوقعنا شكل الاسئلة لكن وجود مصطلحات انجليزي كتير كان مفاجئ بصراحة وربنا يستر بقي في النتيجة.

وجدير بالذكر ان عدد الطلاب الذين يؤدون امتحانات الثانوية العامة بالقليوبية ٣٤ ألف طالبا وطالبة في ١٣٥ لجنة امتحانية، وقد انطلقت السبت ١٠ يوليو امتحانات الثانوية العامة ٢٠٢١ بمحافظات الجمهورية وتنتهي في ٢ أغسطس المقبل.