طلاب علمي ثانوية عامة: الكيمياء خارج التوقعات و"معادلة" النجاح سهلة

السبت 17/يوليو/2021 - 12:23 م

أدى طلاب الشعبة العلمية بالثانوية العامة اليوم امتحان مادة الكيمياء والذى بدأ في الساعة العاشرة صباحا وانتهي في الواحدة ظهرا.

وقد رصدت الجمهورية اونلاين خلال جولتها بمدارس القليوبية ردود افعال الطلاب وارائهم حول مستوي الامتحان، حيث اكد غالبية الطلاب ان الامتحان جاء خارج التوقعات و كان سهلا والتفوق فيه ممكنا، وشبهوا ذلك بأحد المصطلحات وهي "المعادلة" مؤكدين ان معادلة النجاح والتفوق في الكيمياء سهلة.

قال الطالب وليد جمال: الحمد لله اخيرا جالنا امتحان سهل وان شاء الله نتفوق فيه صحيح كان محتاج وقت شوية لكن الحمد لله.

وشاركه الرأي الطالب وائل سمير قائلا: الامتحان كان كويس وأثبت لنا ان "معادلة" النجاح فيه سهلة ان شاء الله.

وقالت الطالبة راندا سعيد: الحمد لله الامتحان كان سهل واحسن من كل المواد اللي فاتت سواء العربي او الالماني او الجبر والهندسة بس كان وقت اطول.

واضافت الطالبة ياسمين الاكشر: فعلا امتحان الكيمياء كان سهل الحمد لله بس كان فيه اسئلة محتاجة تفكير شوية وبالتالي كان محتاج وقت أطول.

وقالت الطالبة اميرة الديب: ان الامتحان مكنش سهل بس احنا من الامتحانات اللي فاتت قدرنا نعرف ايه طبيعة الاسئلة واحنا عارفين ان امتحان مادة الكيماء دايما بييجى صعب لكن الحمد لله طلع عكس الالماني والعربي.