رحلة العلاج هتكون طويلة.. أمير شاهين يعلن تركيب مسمار نخاعى فى قدمه

كشف الفنان أمير شاهين عن إجرائه عملية جراحية فى قدمه وتركيبه مسمار نخاعي.

حيث كتب عبر حسابه على إنستجرام قائلاً: "أصدقائي وأصحابي وحبايبي، أنا عمري ما كتبت حاجة على فيس بوك، ويمكن تواجدي قليل على السوشيال ميديا، بس أنا اتعرضت لإصابة شديدة في رجلي والحمدلله عملت عملية مسمار نخاعى، الإصابة شديدة المرة دى بس الحمد لله على كل شئ قدر الله وماشاء فعل".

واختتم: "رحلة العلاج هتكون طويلة شوية، لكن أنا على استعداد أنى أخوض الرحلة بدعم وحب مراتى حبيبتى وأخواتي وأهلى وأصدقائي وكل الناس اللى بتحبنى بجد، حقيقي حبكم ليا ده هو اللى هيقوينى أنى أكمل وأكون أقوى ومهون عليه وأقدر أعدى الفترة الصعبة دى، وأنا عارف أنى من خلال التجربة دى أكيد هتعلم حاجات كتير، ومتفائل جدا باللى جاى وبفضل الله وحبكم ودعمكم أنا هعدى الفترة الحلوة دى عشان لازم أقول عليها حلوة عشان تعدى".