تبرأت من مشاهدها وجرحت مشاعر أصدقائها.. الحكاية الكاملة لأزمة حلا شيحة وتامر حسنى
أثارت الفنانة حلا شيحة على الجدل بعد تبرؤها من مشاهدها الرومانسية في كليب أغنية "بحبك"، لفيلم مش أنا" مع الفنان تامر حسني.
وكتبت حلا، عبر حسابها الشخصي على"انستجرام": "أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة.. أيام مُباركة وخصوصًا بعد آخر بوست نزلته ووضحت فيه أنا أيه، واتفاجئت أكتر خاصة بعد وعد تامر حسني ليا وتأكيده إنه هيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي”.
وتابعت: “إحنا يمكن نجحنا بمقايس الدنيا، بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جُواهم خير، بس للأسف فتنة الشهرة والنجاح مش بتخلينا نشوف ونقيس الأمور صح.. بتكلم من قلبي، الكليب ده ميرضيش ربنا، وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها، وكلنا بنغلط ولازم نغلط، علشان إحنا بشر بس المصيبة إننا بنغفل وبننسى”.
ويرد الفنان تامر حسني على هذه التصريحات، موضحًا أنه حاول أكثر من مرة التواصل معها لكنها كانت دائمًا تغلق هاتفها، وأن والمخرجة لم يعرف كيف يصل لها حتى أنها وضعتهم في مأزق حول أفيش الفيلم، فهي لم تذهب لتصوير الأفيش الرئيسي، فاضطر لتصوير خاص له ظهر فيه بمفرده.
وكتب تامر حسني عبر حسابه الشخصي على"انستجرام”: “نهاركم جميل يا أغلى الناس، الحقيقة عمري ما بتخيل إني أدخل في نقاش بالشكل دا مع زميل بحترمه، وكان في بينا كل خير، للتوضيح بما إنك يا حلا كتبتي بوست وأشركتي الجمهور الكريم معانا، بدل ما كنتي تكلميني شخصيا ونتناقش بيني وبينك، فأنا مضطر أرد هنا برضو”.
وتابع: “أولًا أنا عمري ما وعدتك إن الكليب مش هينزل، دا محصلش أصلا يا حلا مش أنا خالص اللي أوعد وأخلف، الحقيقة إني احترمت كلامي معاكي ووعدتك أشيل مشاهد تانية طلبتيها، وشيلتها بالفعل وشكرتيني عليها، ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة”.
